Sulmuesi i Hataysporit shpjegon se si i mbijetoi tërmetit: Shpëtova pasi u ngrita për të falur namazin e sabahut

Kevin Soni, sulmuesi 24-vjeçar i Hataysporit, është një nga futbollistët e lënduar lehtë nga tërmetet shkatërruese që goditën Turqinë.

Tërmeti i parë shkatërrues me magnitudë 7.8 ballë të shkallës Rihter ndodhi të hënën në orën 4:17 të mëngjesit dhe pjesa më e madhe e qytetit të Hatajit u rrafshua në tokë.

Kamerunasi, i cili para fillimit të këtij sezoni mbërriti si i huazuar te Hatayspor nga grekët e Asteras, ishte zgjuar dhe arriti të “arratisej” nga shtëpia.

"Unë jam musliman, jam shpëtuar pasi kam qenë zgjuar, doja të prisja deri në orën 6:40 të mëngjesit për të falur namazin e sabahut, nëse do të kisha fjetur në momentin e tërmetit, nuk do të mund të dilja nga shtëpia dhe mendoj se do të kisha qenë nën rrënoja”, tha Soni.

Hataysporlu Kevin Soni: "Ben bir Müslümanım. Beni kurtaran, günün ilk namazını kılmak için sabah 6:40'a kadar beklemek istemem oldu. Deprem anında uyuyor olsaydım hayatta kalma şansım yoktu." pic.twitter.com/TMSRJSKR8I

— SPOR (@yenisafakspor) February 10, 2023

Kujtojmë se vijojnë kërkimet për shokun e tij të skuadrës Christian Atus, i cili është nënrrënoja.