'Kam filluar të të pëlqej kaq shumë'/ Kiara i shpreh ndjenjat Luizit

Çifti më i komentuar i “Big Brother VIP” i këtij edicioni të dytë, që ndiqen 24/24 dhe na dhurojnë show dhe emocione të bukura, na ka përfshirë të gjithëve në ‘përrallën e tyre’.

Ishte Luizi ai që nuk pranoi të dorëzohet, por luftoi për vëmendjen dhe dashurinë e Kiarës, e cila më në fund arriti t’i dhurojë puthjen e parë dhe pak a shumë, ta quajnë “lidhje”.

Megjithëse përpiqen t’i fshihen banorëve në intimitetin e tyre, ata nuk i fshihen dot kamerave të shtëpisë e publikut, që pret me kërshëri t’i shohë e t’i dëgjojë ç’bisedojnë.

Kiara është më e tërhequr në shprehjen e ndjenjave të saj, ndërsa mbrëmë gjeti mënyrën më “funny” t’i thotë Luizit se e pëlqen dhe ka ndjenja për të.

Teksa qëndronin të përqafuar në shtrat, fytyrë më fytyrë, Luizi i thoshte partneres së tij se nuk ngopej dot me praninë e saj. Ndërsa Kiara ia ktheu:

“Sa inat më vjen që kam filluar të të pëlqej kaq shumë”- gjë që e lumturoi por edhe e bëri të qeshë Luizin.

Me shaka, ai ia ktheu:

“Të më pëlqesh në debat?”

Më tej, konkurrenti e pyeti nëse Kiara e kishte fjalën për pëlqim apo ndjenjë, ndërsa Kiara e kapur “mat” refuzoi të përgjigjet por filloi të buzëqeshë, duke i lënë të kuptohet se kanë nisur ndjenjat.

@uk_london27 #kiara #meluizin #love #socute @Luiz Ejlli Official @Kiara Tito ♬ original sound - Luizi❤️Kiara