Rusia përshkallëzon sulmet në Ukrainë, duke goditur jugun dhe lindjen

Kiev, Ukrainë  - Forcat ruse goditën infrastrukturën kritike në Kharkiv, në qytetin e dytë më të madh të Ukrainës, dhe filluan sulme të shumta në infrastrukturën energjetike në Zaporizhzhia herët të premten kur shtuan sulmet në jug dhe lindje të Ukrainës. Sirenat e sulmit ajror shpërthyen përtej pjesës më të madhe tëe vendit.

Sekretari i Këshillit Bashkiak të Zaporizhzhia, Anatolii Kurtiev, tha se qyteti ishte goditur 17 herë në një orë, gjë që ai tha se e bëri atë periudhën më intensive të sulmeve që nga fillimi i pushtimit në shkallë të plotë në shkurt 2022.

Në Kharkiv, autoritetet po përpiqeshin ende të siguronin informacion mbi viktimat dhe shkallën e shkatërrimit, me kryebashkiakun Ihor Terekhov duke thënë se mund të ketë ndërprerje në ngrohjen dhe furnizimin me energji elektrike dhe ujë.

Analistët ushtarakë thonë se presidenti rus Vladimir Putin shpreson se mbështetja e Evropës për Ukrainën do të pakësohet, në një kohë që Rusia besohet se po përgatit një ofensivë të re.

Luftimet në Ukrainë u intensifikuan të enjten. Agjencia e inteligjencës ushtarake e Kievit tha se forcat ruse kanë nisur një ofensivë në rajonet pjesërisht të pushtuara Donetsk dhe Luhansk, me synimin për të vënë kontrollin e plotë mbi të gjithë rajonin industrial, të njohur si Donbas. Separatistët e mbështetur nga Moska kanë luftuar me forcat ukrainase atje që nga viti 2014.