Tërmeti në Turqi/ E pyesin nëse dëshiron ujë, përgjigjja e vajzës e nxjerrë nga rrënojat shkakton të qeshura

Numri tragjik po rritet në Turqi dhe Siri, por mrekullitë e vogla të jetës ende po shkruhen nën rrënoja. 

Shpresat për gjetjen e të mbijetuarve shuhen me kalimin e orëve, megjithatë ka raste që shkaktojnë interes global, ku fëmijët e vegjël shpëtohen edhe pas 72 orësh .

Në kushtet e të ftohtit të ashpër, me lëndime dhe dhimbje të forta, arrijnë të qëndrojnë gjallë dhe të dalin nga makthi.

Ekipet e shpëtimit shpëtuan një djalë të  vogël, pas 78 orësh nën rrënoja.

Ai  u gjet i gjallë, siç shihet në video, ku shpëtimtarët e tërheqin nën tokë dhe e përqafojnë me butësi. 

Më pas e vendosën në një ngarkesë speciale për ta çuar në spital. 

E gjithë kjo po shpaloset në provincën Hatay, një nga më të prekurat nga tërmeti në Turqi.

Një tjetër histori shprese u shkruajt në Hataj, ku një vajzë 5-vjeçare u shpëtua pas 72 orësh në rrënoja.

Siç shihet edhe në video, shpëtimtarët pasi e kanë nxjerrë nga rrënojat vogëlushen e pyesin nëse do ujë, ajo përgjigjet se akoma nuk është ekzaminuar, përgjigje e cila shkaktoi të qeshura.

Më pas e pyesin 5-vjeçaren nëse shkon në shkollë dhe ajo përgjigjet se nuk ka filluar ende.

“Do you want some water … No, I haven’t been examined yet”

5-year-old Hazal rescued alive after 72 hours from earthquake rubbles in Hatay, Türkiye. Rescue personnel spoke with the little girl after the operation https://t.co/yM5j1qu3Sb pic.twitter.com/slDPPOXQBR

— ANADOLU AGENCY (@anadoluagency) February 9, 2023