Tërmeti i fuqishëm, Erdogan rekruton foshnjat e porsalindura
Rexhep Tajip Erdogan ka nisur një kundërsulm komunikimi pas protestave të shprehura për reagimet e aparatit shtetëror ndaj tërmetit në Turqi , i cili pranoi se “kishte boshllëqe”, megjithëse siç nxitoi të shtonte, “është e pamundur të ishim të përgatitur”.
Disa orë pasi presidenti i Turqisë vizitoi rajonin Kahramanmaras në Turqinë jugore , një nga 10 të goditurit rëndë nga tërmeti 7.8 ballë, agjencia shtetërore e lajmeve Anadolu e Turqisë transmetoi imazhe dhe video të 16 foshnjave që transportoheshin në Ankara me avionin presidencial.
“Fëmijët e moshës deri në 1 vjeç janë pritur nga nëna të Ministrisë së Familjes dhe Shërbimeve Sociale të cilat i kanë shoqëruar në spital. Foshnjat janë në gjendje të mirë shëndetësore”, thuhet në telegram.
Cumhurbaşkanlığına ait uçak, depremlerin yaşandığı Kahramanmaraş'tan, refakatçileri olmayan 16 bebeği alarak Ankara'ya getirdi https://t.co/aNwrBG779N pic.twitter.com/5ainTemcOL
— ANADOLU AJANSI (@anadoluajansi) February 8, 2023
Dy prej foshnjave që nuk dihet identiteti i tyre, atyre iu dha emri “fëmijë nga rrënojat”.
14 foshnja u vendosën që të transferoheshin në Ankara, sepse nuk ishte e mundur të lokalizoheshin familjet e tyre.
Si pjesë e fushatës së komunikimit të Erdogan, personi i parë që vizitoi 16 foshnjat nga rrethi Kahramanmaras ishte gruaja e Rexhep Tajip Erdogan, Emine.
" Emine Erdogan , e cila pëlqen të përqafojë fëmijët, derdhi lot gjatë vizitës së saj," shtoi kabllogrami i Anadolu.
Emine Erdoğan Ankara'ya getirilen depremzede bebekleri ziyaret etti https://t.co/zRCl4XU5ws pic.twitter.com/2KaSNQ5au4
— ANADOLU AJANSI (@anadoluajansi) February 8, 2023
Siç thuhet në telegramin e Anadolu , "avioni presidencial u vendos për të transportuar ekipe mjekësore dhe pajisje të ndihmës së parë, si dhe për të transportuar të plagosurit rëndë në Ankara. Pasagjerët e fundit në avion ishin foshnja të pashoqëruara nga zonat e prekura nga tërmeti”.
Pas vizitës së saj në spitalin ku u dërguan foshnjat, Emine Erdogan bëri një postim në rrjetet sociale ku u shpreh: “Gjendja e mirë shëndetësore e 16 viktimave të tërmetit që u transportuan nga Kahramanmaras në Ankara me aeroplanin presidencial duke ndjekur udhëzimet e Presidenti na ngjall pak shpresat. Foshnjat janë në duart e sigurta të qeverisë. Unë personalisht do të monitoroj ecurinë e shëndetit të tyre. Uroj lajme të mira për të gjithë fëmijët e prekur nga fatkeqësia dhe u uroj të gjithëve shërim të shpejtë”.
Sipas kreut të ekipit mjekësor që ka ekzaminuar foshnjat “ekzaminimi i parë tregon se ata nuk po përballen me asnjë problem. Bëhet fjalë për foshnja nga gjashtë ditë deri në 2 muaj të cilët janë ekzaminuar”.
Cumhurbaşkanımızın talimatı ile Kahramanmaraş'tan Ankara'ya Cumhurbaşkanlığı uçağıyla nakledilen 16 depremzede bebeğimizin sağlık durumlarının iyi olması bir nebze de olsa umutlarımızı tazeledi. Devletimizin emin ellerindeler. pic.twitter.com/peaxytPFqh
— Emine Erdoğan (@EmineErdogan) February 8, 2023