VIDEO/ Nëna lind fëmijën nën rrënojat e tërmetit: Ajo ndërron jetë tragjikisht, bebja mbijeton
Këto janë momentet dramatike kur një foshnje shpëtohet nga rrënojat e një ndërtese të shembur në Siri- vetëm pak minuta pasi kishte ardhur në jetë nga nëna e saj.
Sipas Daily Mail, pamjet tregojnë beben e mrekullisë në krahët e një personi në Jenderes, një rajon në verilindje të vendit i goditur rëndë nga tërmeti i djeshëm me magnitudë 7.8 ballë.
Por ndërsa vogëlushja arriti të mbijetojë, nëna e saj mendohet se vdiq tragjikisht pas lindjes.
Mediat lokale raportojnë se nënës shtatzënë, e zhvendosur nga rajoni lindor sirian i Deir Ezzor- i nisën dhimbjet e lindjes gjatë tërmetit që ka vrarë më shumë se 5 mijë persona deri më tani.
Video tregon momentin kur një ekip shpëtimi arrin të nxjerrë beben e porsalindur nga ndërtesa e shkatërruar.
Ndërkohë turma është dëshmitare se si para syve të tyre po zhvillohej një tragjedi dhe një mrekulli njëkohësisht.
Ndërsa autoritetet po kujdesen për beben, e gjithë familja e saj është zhdukur nga tërmeti.