Kosova pranon propozimin e BE/ Meta: Përshëndes lidershipin e Albin Kurtit!

Ish-Presidenti Ilir Meta, tashmë kryetar i partisë së Lirisë, e ka vlerësuar dhe përshëndetur qëndrimin e Qeverisë së Kosovës dhe në veçanti të kryeministrit Albin Kurti, që pranuan propozimin e Bashkimit Europian për normalizimin e marrëdhënieve me Serbinë fqinjë.

Ilir Meta shkroi në Twitter sot:

“Një lajm shumë i mirë nga Prishtina për hapat pozitivë drejt njohjes reciproke dhe normalizimit të marrëdhënieve ndërmjet Kosovës dhe Serbisë. Përshëndes lidershipin e kryeministrit Albin Kurti, që kontribuon për paqe të qëndrueshme dhe marrëdhënie të mira me fqinjët. Propozimi i BE-së, një faktor kyç për stabilitetin dhe të ardhmen evropiane të rajonit,” thekson në përfundim ai.

Meta ka publikuar përkrah mesazhit të tij, edhe pohimin e kryeministrit Albin Kurti për propozimin evropian, të postuar në Twitter, në të cilin Kurti thotë: “Bashkëbisedim i mirë me Të Dërguarin special të BE-së, Miroslav Lajçak gjatë një drekë pune në Prishtinë. Ne e pranojmë propozimin e BE-së për normalizimin e marrëdhënieve ndërmjet Kosovës dhe Serbisë dhe e konsiderojmë atë një bazë të mirë për diskutime të mëtejshme dhe një platformë solide për të ecur përpara”.

1/2 Një lajm shumë i mirë nga Prishtina për zhvillimet pozitive mbi njohjen reciproke dhe normalizimin e marrëdhënieve ndërmjet Kosovës dhe Serbisë. Përshëndes lidershipin e kryeministrit @albinkurti që kontribuon për paqen e qëndrueshme dhe marrëdhëniet e mira me fqinjët. https://t.co/9KOv4SMIiP

— Ilir Meta (@ilirmetazyrtar) February 7, 2023