Tërmeti më i fortë në dekada alarmon Nju Jorkun perëndimor: 3.8 ballë

Buffalo, New York - Një tërmet i vogël goditi perëndimin e Nju Jorkut herët të hënën, duke alarmuar njerëzit në një rajon të pamësuar me lëkundje të tilla, por me sa duket nuk shkaktoi dëme të konsiderueshme.

Shërbimi Gjeologjik i SHBA-së raportoi paraprakisht një tërmet me magnitudë 3.8 me qendër në lindje të Buffalo në periferi të Senekës Perëndimore rreth orës 6:15 të mëngjesit.

 Sizmologu Yaareb Altaëeel tha se ai përputhej me intensitetin e tërmetit më të fortë që rajoni ka parë në 40 vitet që ka të dhëna të disponueshme. Një tërmet 3.8 ballë qe regjistruar në nëntor 1999.

Dridhja zgjati disa sekonda dhe i bëri banorët fillimisht të vraponin nëpër dritare dhe më pas në rrjetet sociale në kërkim të një shpjegimi.

“U ndjeva sikur një makinë goditi shtëpinë time në Buffalo. U hodha nga shtrati”, shkroi në Tëitter, ekzekutivi i qarkut Erie, Mark Poloncarz.

Zyrtarët e shërbimeve emergjente të kontesë konfirmuan se tërmeti u ndje në një rreze prej të paktën 30 miljesh, përfshirë në Ujëvarat e Niagarës, rreth 20 milje në veri të Buffalo-s, tha ai.

Ekuipazhet e qytetit dhe të qarkut kaluan një pjesë të ditës duke inspektuar urat dhe rrugët në Nju Jork, duke mos gjetur dëme të menjëhershme, thanë zyrtarët.

“Për fat të mirë, nuk kemi as lëndime të lidhura me tërmetet – dhe lutem që të mbetet kështu”, tha në një deklaratë kryetari i bashkisë së Buffalo, Byron Broën.

Tërmetet e vogla nuk janë të pazakonta në pjesën veriore të Nju Jorkut, por rrallëherë ndjehen aq të fortë. Tërmeti riktheu kujtesën, tha Broën, se rajoni është në një vijë të thyer të rëndësishme të njohur si sistemi Clarendon-Linden.

Tërmeti vjen pas dy ngjarjeve rekord të motit në rajon: një stuhi dëbore me deri 7 metra borë në nëntor dhe një stuhi në dhjetor që fajësohet për 47 vdekje.

Tërmeti ndodhi disa orë pasi një tërmet i fuqishëm vrau qindra në Turqi dhe Siri. Një zëdhënës i USGS tha se nuk ka asnjë lidhje midis dy ngjarjeve.