Furnizimet e urgjencës nga Irani dhe Iraku mbërrijnë në Siri

Avionë ndihmash nga Irani dhe Iraku kanë mbërritur në Aeroportin Ndërkombëtar të Damaskut.

Aeroplanët irakianë transportuan rreth 70 tonë ushqime, pajisje mjekësore dhe batanije, mes furnizimeve të tjera emergjente, raportoi media shtetërore siriane SANA. Këto janë dorëzuar të martën herët në mëngjes.

Kryeministri i Irakut, Mohammed Shia al-Sudani tha të hënën se ata do të dërgojnë një ngarkesë me ndihmën e parë, furnizime strehimi, ilaçe dhe karburant.

Ndihma iraniane mbërriti më herët të hënën. Ministri i Jashtëm i Iranit, Hossein Amirabdollahian, tha të hënën se vendi i tij është gati të dërgojë ndihma humanitare në zonat e goditura nga tërmeti në Siri.