Madonna ti je? Këngëtarja nuk njihet në ndarjen e çmimeve Grammy
Muajt e fundit, mbretëresha e popit , Madonna , është bërë temë diskutimi sa i përket pamjes së saj.
E njëjta gjë ndodhi edhe mbrëmjen e djeshme kur këngëtarja 64-vjeçare doli në skenë në ndarjen e çmimeve Grammy 2023 dhe i la të gjithë pa fjalë.
Madonna, 64, worries fans with 'unrecognisable' smooth appearance at Grammy Awards 2023#Madonna #GRAMMYs #Grammy #Grammys2023 #GrammyAwardshttps://t.co/lh4K35l6Yp
— Daily Express (@Daily_Express) February 6, 2023
“Nëse nuk do të njoftonin se kjo ishte Madonna, nuk do ta kisha idenë se kush po performonte në Grammy”, ka shkruar një komentues.
“E dua dhe e respektoj si ikonë muzikore, por kjo më theu zemrën. Ajo nuk i ngjan më asaj ”, ka komentuar një tjetër.
Shumica i bënin jehonë të njëjtave mendime, madje një prej tyre e ngatërronte me aktoren Drew Barrymore.
“Nuk mund të jetë ajo”, ka qenë komenti i dikujt që ka besuar atë që po shihte në ekranin e tij televiziv.
Disa të tjerë madje ngarkuan video të Madonna-s për të treguar se sa i madh dhe dramatik është ndryshimi në pamjen e saj.
Filmi për jetën e saj u anulua
Shqetësimet vijnë pasi u zbulua se filmi i shumëpritur në ekranin e madh për jetën e mbretëreshës së popit Madonna, i drejtuar nga ajo vetë dhe me aktoren Julia Garner, është anuluar pasi u njoftua turneu botëror i këngëtares.
Filmi, i cili ishte në zhvillim që nga viti 2020 nga Universal Pictures, u titullua 'Little Sparrow.'
Sipas një raporti në Variety, Universal u tërhoq pasi Madonna njoftoi turneun e saj.
Veçanërisht, biletat për koncertet e saj në Nju Jork, Paris dhe Londër u shitën brenda pak minutash.
Megjithatë, burimet i thanë The Hollywood Reporter se anulimi i filmit u vendos në fund të vitit të kaluar.