'Shokohen' shikuesit nga TV, mbrojtësi i Barcelonës kthehet në 'fantazmë'
Një moment qesharak por edhe i frikshëm për ata që nuk e kuptojnë teknologjinë brenda fushës së futbollit, ka ndodhur në ndeshjen e djeshme mes Real Betis dhe Barcelonës.
Mbrojtësi i Barcelonës, Araujo, është “zhdukur” pas përplasjes me sulmuesin e Betis, Willian Jose në minutën e 80-të. 23-vjeçari nga Urugai është rrëzuar para tabelës së reklamave që ndodhet pas portës dhe trupi i tij u bë i padukshëm, gjithmonë vetëm për shikuesit nga televizori, duke i lënë ata të shtangur.
WHERE DID THE BARCELONA PLAYER GO⁉️ 🤣
— Optus Sport (@OptusSport) February 2, 2023
Modern technology gets the best of Ronald Araújo! 🪄
Free to watch highlights 📺 https://t.co/EzEEtpmq6G#OptusSport #LaLiga pic.twitter.com/87wHZjGwHs
Arsyetimi i kësaj ndodhie është për shkak të teknologjisë. Tabelat e reklamave janë me panel jeshil të cilat përdoren për të shfaqur reklama të ndryshme për shikuesit e TV në bazë të vendit ose rajonit.
Tifozët në stadium mund t’i shohin reklamat pa problem, por për ndjekësit nga ekrani, gjithçka është ndryshe, duke shkaktuar dhe iluzione si rasti i Araujos
Një skenë e ngjashme ka ndodhur së fundmi në barazimin mes PSG dhe Reims kur koka e Sergio Ramos u zhduk nga transmetimi televiziv.