Çanta plot me para e McGonigal/ Lidhja e çuditshme me një ndeshje

Nga Mike Rosenstein, NJ

Koha për të bashkuar pikat me njëra-tjetrën.

Ndoshta e keni ndjekur lajmin në vazhdim për ish-agjentin e FBI-së, Charles McGonigal, i cili përballet me akuza penale për lidhjet e tij të dyshuara me Oleg Deripaskën, një oligark rus.

Ajo që nuk keni lexuar ndoshta deri më tani është se si lidhet ky rast me ekipin e ‘New York Yankees’.

Ja çfarë shkruan Business Insider:

Sipas raportit, e dashura e McGonigal, Allison Guerriero vuri re një çantë plot me para në dysheme në tetor të vitit 2017. Ajo e pyeti atë: “Nga dreqin kanë ardhur këto?”

“Oh, a të kujtohet ajo loja e bejsbollit?,” iu përgjigj McGonigal, sipas kujtimeve të Guerriero. “Vura një bast dhe fitova”.

Por kjo nuk është e gjitha.

Disa ditë më herët, Guerriero ishte ulur në divan me McGonigal në baneën e tyre për të parë se si ekipi i McGonigal, ‘Cleveland Indians’ fitoi ndaj ‘New York Yankees’.

Shumë më vonë, McGonigal do të paditej për dyshimin, mes të tjerash, se kishte marrë 225 mijë dollarë në cash nga një ish-punonjës i shërbimit të inteligjencës në Shqipëri. Ky total përfshin 80 mijë dollarë që dyshohet se iu dorëzuan në një makinë të parkuar jashtë një restoranti më 5 tetor 2017. 5 dhe 6 tetor janë ditët kur ‘Cleveland Indians’ fituan ndaj ‘Yankees’ në dy ndeshjet e para të Ligës Amerikane Seria e Divizionit.

Sot, Guerriero nuk beson më që çanta me para përmbante fitime nga një bast sportiv.

‘Yankees’ ia dolën që të fitojnë tre ndeshjet e fundit të Ligës Amerikane Seria e Divizionit.

Sipas Business Insider, Seth Ducharme, një nga avokatët e McGonigal nuk pranoi të komentonte.