VIDEO/ Shkëputen 3 ‘Fije’ në Memaliaj dhe një në Burrel/ Policia procedon 2 persona

Policia e Shtetit ka vijuar operacionin ‘Fijet’ duke çmontuar 3 kamera të vendosura në kundërshtim me ligjin në Memaliaj dhe një në Burrel.

Sipas njoftimit të policisë janë vendosur në hetim dy shtetas.

Njoftimi/ Policia e Shtetit

Vijon plani operacional i koduar “Fijet”, i iniciuar nga Drejtoria e Përgjithshme e Policisë së Shtetit, në të gjitha qarqet e vendit.

Në fazën e gjashtë dhe të shtatë, operacioni po vijon në qarqet Gjirokastër dhe Dibër, ku janë vënë në hetim 2 shtetas, për ndërhyrje të padrejta në jetën private.

Gjatë kontrolleve, Policia çmontoi në Memaliaj, 3 kamera të vendosura në kundërshtim me ligjin, si dhe ka vënë në hetim shtetasin P. K.

Ndërkohë, në qytetin e Burrelit, Policia çmontoi 1 kamer të vendosur në kundërshtim me ligjin, si dhe ka vënë në hetim shtetasin G. D.

Operacioni policor i koduar “Fijet” vijon.