Ibrahimovic nuk kishte mëshirë ndaj bashkëlojtarëve të Messit pas triumfit në Katar

Sulmuesi suedez Zlatan Ibrahimovic nuk e kursen gjuhën. Në një intervistë për “France Inter”, sulmuesi i Milanit ka shprehur mendimin e tij për fituesen e Kupës së Botës në Katar – skuadrën e Argjentinës.

Në stilin tipik Zlatan, 41-vjeçari nuk e kurseu fare gjuhën dhe ishte shumë i ashpër ndaj fituesve të Kupës së Botës, përveç Lionel Messit. Ibrahimovic nuk ishte entuziast për festimet e disa prej përfaqësuesve të Argjentinës pas fitores ndaj Francës me penallti.

"Unë thashë që Argjentina do ta fitojë patjetër Kupën e Botës. Nëse doni të mbani mend Kupën e Botës në Katar për pjesën tjetër të historisë, kë do ta mbani mend? Messin. Jo Mbappe, sepse Messi konsiderohet lojtari më i mirë në histori. Unë jam i shqetësuar për pjesën tjetër të lojtarëve të Argjentinës, sepse ata nuk do të fitojnë asgjë të dytë. Messi fitoi gjithçka dhe do të mbahet mend. Por të tjerët që u sollën keq, ne nuk mund ta respektojmë këtë", tha Zlatan.

Ai ka theksuar se këtë mendim e ka si futbollist profesionist i nivelit të lartë.

“Për mua, është një shenjë se ai do të fitojë një herë dhe nuk do të fitojë më, sepse kështu nuk fiton”, shtoi ai.

Kur është fjala për Kylian Mbappe, Zlatan theksoi se e di që ylli i PSG-së do të jetë “në rregull” dhe kujtoi se ai tashmë ka fituar Kupën e Botës dhe ka shënuar një hat-trick në finale.