VIDEO/ Reshje të dendura bore, bllokohet Rruga e Arbrit, ngecin automjetet

Bllokohet sërish Rruga e Arbrit që lidh Dibrën me Tiranën. 

Reshjet e dendura të dëborës vijojnë prej disa orësh. 

Në Qafën e Murrizit është paralizuar qarkullimi i automjeteve. 

Mësohet se janë bllokuar mbi 50 automjete. 

Makinat nuk janë të pajisura me zinxhirë ç'ka ka sjellë edhe bllokimin e lëvizjes në bypass. 

Mësohet se tre borëpastruese po punojnë përgjatë segmentit, por reshjet me intensitet nuk lejojnë zhbllokimin dhe kalimin e mjeteve.

Policia ka devijuar trafikun nga rruga e vjetër, Tiranë - Milot - Burrel.

Ka 2 postblloqe policie një në Tufinë dhe një në Klos që devijojnë trafikun.