13 vite larg, Bekim Balaj gati të rikthehet për të luajtur me Vllazninë

Vllaznia u ka dhënë fund dje përgatitjeve për takimin që do të luhet sot në orën 16:00 ndaj Laçit. Skuadra e drejtuar nga trajneri Mirel Josa do të synojë të marrë maksimumin.

Me përjashtim të të dëmtuarve Liridon Latifi, Lorik Boshnjaku dhe Darko Bulatoviç, Josa ka të gatshëm të gjithë lojtarët e tjerë, përfshirë këtu edhe afrimin e vetëm të merkatos, sulmuesin Bekim Bala.

Madje fokusi është te ky i fundit, pasi rikthehet të luajë me fanellën kuqeblu pas 13 vitesh. Sipas të gjitha gjasave ai do të luajë pak minuta në pjesën e dytë.