Zyrtare: Lorenc Trashi transferohet te Ballkani në Superligën e Kosovës
Lorenc Trashi është lojtari më i ri i skuadrës së Ballkanit në Superligën e Kosovës.
Ish-lojtari i kombëtares shqiptare, që në Superiore është aktivizuar me Lushnjën dhe Partizanin ka firmosur për 2 vite e gjysmë me kampionët e Kosovës.
Kujtojmë që aventura e fundit e lojtarit ka qenë në Kuvajt me skuadrën Qadsia SC.
“Ju njoftojmë se Lorenc Trashi është zyrtarisht futbollist i skuadrës sonë!
Trashi ka firmosur me klubin tonë për 2 vite e gjysmë, duke u bërë në këtë mënyrë futbollisti më i ri i skuadrës sonë.
Trashi ka qenë pjesë e ekipeve si 𝗞𝗦 𝗟𝘂𝘀𝗵𝗻𝗷𝗮 , 𝗙𝗞 𝗣𝗮𝗿𝘁𝗶𝘇𝗮𝗻𝗶 dhe së fundmi ishte pjesë e klubit 𝗤𝗮𝗱𝘀𝗶𝗮 𝗦𝗖 (Kuwait). [🇦🇱] Vlen të ceket se 𝗟𝗼𝗿𝗲𝗻𝗰 𝗧𝗿𝗮𝘀𝗵𝗶 ishte edhe pjesë e Kombëtarës së Shqipërisë!! Klubi i Ballkanit i uron mirëseardhje dhe shumë suksese me fanellën e klubit tonë”, shkruhet në njoftimin e klubit.