Momentet e paharrueshme: Messi dhe Ronaldo ndoshta hera e fundit bashkë në fushë
Lionel Messi dhe Cristiano Ronaldo prej vitesh na kanë gëzuar me aftësitë e tyre dhe mbrëmjen e djeshme rivalët e mëdhenj ndoshta kanë luajtur për herë të fundit kundër njëri-tjetrit.
Dyshja morën pjesë në një ndeshje miqësore mes yjeve të kampionatit saudit dhe PSG (4:5) dhe bënë një shfaqje të vërtetë për publikun në Arabinë Saudite, pasi që të dy u futën në listën e golashënuesve.
Madje Ronaldo shënoi dy gola, duke e nisur në mënyrën më të mirë në klubin saudit për të cilin do të luajë në vitet në vijim pas nënshkrimit të një kontrate tejet fitimprurëse.
Dyshja, natyrisht, i kanë pasur duelet e tyre më të mëdha teksa kanë veshur fanellën e Real Madridit dhe Barcelonës dhe më pas rrugët e tyre janë ndarë.
Megjithatë, për shkak të një ndërthurjeje rrethanash, dje ata patën mundësinë për një duel të ri që tërhoqi vëmendje të jashtëzakonshme jo vetëm në Arabinë Saudite ku u luajt, por edhe në mbarë botën.
Tashmë po qarkullon në rrjetet sociale dhe do të mbahet mend përgjithmonë videoja e dyshes të përqafuar me njëri-tjetrin nga ajo që ndoshta ishte ndeshja e tyre e fundit kundër njëri-tjetrit.
Ronaldo vs Messi Anılar…
— Futbol-u Alîyye (@0smanlisporFK) January 20, 2023
pic.twitter.com/LX1rwO8Jqz
Pas ndeshjes portugezi ka postuar disa foto në Instagram, ndër to edhe një me Lionel Mesin i cilësuar si rivali i tij i përjetshëm: “Shumë i lumtur që jam kthyer në fushë dhe si shënues (me të dy gola)!! Është mirë të shohësh disa miq të vjetër!”
Edhe nga ana tjetër, duket se Messi e ka shijuar gjithashtu ribashkimin e tij me Ronaldon, me yllin e PSG-së që ka ndarë një video në “Story” në Instagram .
N֝ë videon në fjalë shfaqte sulmuesin 35-vjeçar argjentinas duke përqafuar yllin e Al Nassr, Ronaldon përpara ndeshjes Riyadh XI kundër PSG.
#Lionel_Messi shares video of him hugging #Ronaldo in #Riyadh.#UAE_BARQ_EN pic.twitter.com/WIQOqwxyXR
— UAE BARQ (@UAE_BARQ_EN) January 20, 2023