‘30 fëmijë me çizme për në shkollë’/ Këlliçi: Për fushatë, cipëplasurit do e hedhin një cip asfalt

Kandidati i opozitës për Bashkinë e Tiranës Belind Këlliçi ka vijuar me denoncimet mbi gjendjen e mjerueshme ku ndodhen rrugët e kryeqytetit dhe peripecitë që heqin banorët dhe fëmijët për të shkuar në shkollë.

Në postimin e tij në Facebook, Këlliçi ka publikuar një video nga një rrugë e zonës së Arbanës, Njësia Administrative Vaqarr, ku sipas tij kalojnë çdo ditë të paktën 30 familje dhe e kanë të pamundur të shkojnë në shkollë pa çizme e pa u lagur nga këmbët.

‘Tani që afron fushata mbase cipëplasurit do e hedhin një cipë asfalt elektoral’, shkruan Këlliçi.

Postimi i plotë:

Dje në Arbanë. Pak kilometra nga Tirana.

Këtu kalojnë çdo ditë të paktën 30 familje. Fëmijët e kanë të pamundur të shkojnë në shkollë pa çizme e pa u lagur nga këmbët.

Njësia Administrative Vaqarr nuk i kthen asnjë përgjigje ankesave të banorëve.

Tani që afron fushata mbase cipëplasurit do e hedhin një cipë asfalt elektoral.

Kështu nuk vazhdohet deri në 2027-n! #TiranaNukPretMë