SYRI TV/ PS refuzoi komisionin hetimor për Charter-in e Ramës, do rihapet gara për Avokatin e Popullit

Kuvendi do të rinisë nëse punimet, duke çelur  sesionin e katër të legjislaturës së dhjetë. Fokusi i socialistëve  do jetë miratimi I nismës së amnistisë fiskale dhe përpjekjet për të përjshtuar nga politika Ilir Metës. Nga ana tjeter, agjenda e PD, do jetë denoncimi I skandaleve të qeverisë, ndërsa  do duhet të  zgjidhë situatën në grupin parlamentar.

Syri tv

Kuvendi do të çelë këtë të hënë punimet e sesionit të katërt të legjistlatures së 10. Mazhoranca dhe opozita do të kthehen në parlament dhe në pozicionet e tyre, pas disa javësh pushim, për të nisur një sezon politik, i cili do të jetë i ngarkuar jo vetëm për kuvendin por për gjithë skenën politike, në prag të zgjedhjeve lokale të 14 majit. Përgjatë kësaj jave, në konferencën e kryetareve,Partia Socialiste refuzoi ngritjen e komisionit hetimor, për të hetuar fluturime charter të kryeministrit Edi Rama, me justifikimin që nuk do të pranojë asnjë kërkesë, që mban firmën e kryetarit të PD, Sali Berisha. Mazhoranca  paralajmëroi se gjatë këtij sesioni do të ndryshojë rregulloren e kuvendit dhe ligjin për komisionet hetimore për të reflektuar vendimet e gjykatës kushtetuese. Pas dështimit, për gjetjen e konsensusit,  palët do duhet te tentojnë edhe njëhere komporosimin për zgjedhjen e avokatit të popullit. Kuvendi do hapë sërish thirrjen për aplikimin për gjithë kandidattë të cilët duan të garojnë për postin e  avokatit të ti të popullit, pasi mazhoranca refuzoi  emrin e propozuar nga nje grupim i Partisë Demokratike.

Fokusi i socialistëve në kuvend, do të jetë përpjekja për të  sjellë në jetë amnistinë fiskale.  Megjithëse Edi Ramës do ti duhet të mbushë mëndjen e ndërkombëtareve, të cilët e kundërshtojnë këtë projekt,  kryeministrit do ti duhen edhe  vota nga opozita për të miratuar  këtë nismë, të cilën kërkon ta bëjë me çdo kusht. 

Nga ana tjeter, Partia Demokratike edhe këtë sesion, vazhdon të jetë  në dallgët e konfliktit të  brendshem. Kryetari I Partisë Demokratke, Sali Berisha dhe deputetët e tij, do duhet të  gjejnë zgjidhje përfundimtare për të marrë edhe zyrtarisht, grupin parlamentar në kuvend, i cili është ende peng i firmës së Enkelejd Alibeaj, në mënyrë që të përfitojnë kohën që u duhet për diskutime. 

Mazhoranca nuk e ka lënë pas ambicjen për të larguar  njëhere e mirë nga politka, Ilir Metën, përmes mekanizmit, të ndryshimeve ligjore,  që parashikojnë ndalimin e përfshirjes në poltikë, të njerëzve që kanë qenë  ish bashkëpunor të sigurimit të  shtetit. Por Partia Socialiste e  Edi Ramës, e cila  e nisi vitin me blerjen e një deputeti nga partia e Ilir Metës,  nuk e ka të lehtë të sigurojë  shumicën e nevojshme të votave për miratimin e kësaj nisme, e cila kërkon edhe baza ligjore të  forta, që mazhoranca nuk i ka. 

E hëna e parë e këtij  sesioni parlamentar, I ka gjetur në qetësi,  të dyja kampet,  një  qetësi e atij  lloji që paralajmëron sërish  furtunë në politikë.