'Ja si gangsterët shqiptarë po e shtrijnë rrjetin kriminal në të gjithë Anglinë, veç një qytet nuk mund ta prekin'

Gangsterët shqiptarë që po e përmbytin Britaninë e Madhe me drogë, janë paralajmëruar nga kumbarët e krimit se në një qytet e kanë rreptësisht të ndaluar të ndërhyjnë, shkruan media britanike The Sun. Cili është ky qytet dhe përse?

Gjatë 20 viteve të fundit, bandat shqiptare kanë kapur kontrollin e tregut të lulëzuar të kokainës në Britani, pasi kanë krijuar një aleancë me kartelet vdekjeprurëse të drogës në Amerikën Latine.

Modeli i tyre i biznesit në Britani "lirë dhe shpejt" i ka bërë ata që të dominojnë tregtinë e drogës duke ia kaluar konkurrentëve, duke punuar me bandat lokale dhe duke shmangur gjakderdhjen e kotë.

Dy dekada suksesi kanë bërë që bosët shqiptarë të drogës  me paratë e tyre të pista të gëzojnë stilet e jetesës luksoze - veshjet e stilistëve sportivë ndërsa ngasin makina “Ferrari” dhe “Bentley”.

Një nga bandat më famëkeqe në rritje është “The Hellbanianz” me bazë në  Gascoigne Estate në Barking, Londrën Lindore.

Ndryshe nga të tjerët, bandës i pëlqen të jetë në qendër të vëmendjes dhe është bërë e njohur për videot e tyre me muzikë të ndezur në mediat sociale që i shfaqin të rrethuar nga tufa me para, bizhuteri dhe motorë ultra.

Kuptohet se “Hellbanianz” trafikon drogë me vlerë miliona paund në Mbretërinë e Bashkuar çdo vit.

SI DOLËN NË KRYE

Mijëra shqiptarë mbërritën në Britaninë e Madhe në fund të viteve 1990 dhe në fillim të viteve 2000 gjatë një krize refugjatësh.

Ata fillimisht lanë gjurmët e tyre në tregtinë e seksit në Soho, ku hetuesit veteranë të Policisë Metropolitane u tronditën nga dhuna e vazhdueshme që u bënin vajzave të pambrojtura që kishin nën kontroll.

Burimet policore kanë treguar se si në fillim të viteve 2000 ata luftuan kundër bandave xhamajkane dhe kineze të drogës për kontrollin e Londrës, për të depërtuar më pas në të gjitha nivelet e tregtisë së kokainës prej 5 miliardë paundësh në Mbretërinë e Bashkuar.

Por ka një qytet ku kumbarët vendas të krimit u kanë thënë të qëndrojnë larg - Liverpooli.

Një person, i cili kërkoi të mos përmendet emri, tha për The Sun: "Bandat shqiptare të drogës janë kudo në Mbretërinë e Bashkuar, por jo në Liverpool.

“Bandat vendase e mbrojnë Liverpoolin dhe nuk do t'i lejojnë të hyjnë. Ato i kanë paralajmëruar.”

"Gjeografikisht ata janë ndoshta më të fortët në Londrën veriore dhe lindore. Veç kësaj, ata janë të fuqishëm dhe Mançester."

QYTETI I NDALUAR

Por një ish-kriminel nga Liverpool nënvizoi se ishte vetëm çështje kohe para se shqiptarët të hidhnin hapin e tyre në qytetin port. Ai tha se bandat shqiptare mund të zgjidhnin të shfrytëzonin shansin, pasi depërtimi i policisë në rrjetin e koduar EncroChat i kishte dobësuar gangsterët e kokainës në Merseyside.

Ai tha: “Shqiptarët kanë bërë shumë para dhe tani janë në Mançester.”

“Ata  tani po pastrojnë paratë e veta dhe janë të lidhur me firmat e dyerve në të gjithë vendin.

“Hakerimi i rrjetit telefonik Encrochat i ka goditur rëndë shumë bandat e drogës në Liverpool, kështu që shqiptarët mund të mendojnë se tani është koha për të bërë lëvizjen e tyre në Liverpool, ku ka një treg masiv kokaine.:

"Dhe ne kemi edhe portin që do t'u interesonte atyre."

Pavarësisht se e bënë pasurinë e tyre me drogë, bandat shqiptare lanë gjurmë në botën e krimit në Mbretërinë e Bashkuar me  prostitucionin në vitin 1998. Por më vonë bënë lidhje me kartelet.

Eksperti i bandave shqiptare shpjegoi: “Rreth vitit 2000 shqiptarët në Amsterdam kanë kontaktuar me furnizues droge nga Amerika Latine.

"Ata siguruan kontakt të drejtpërdrejtë tek tregtarët me shumicë dhe e bazuan modelin e tyre të biznesit në të qenit "të lirë dhe të shpejtë".

“Në vitin 2005, çmimi i koksit për kilogram ishte rreth 37 mijë paund, por ata i vunë çmimin e tyre 32 mijë paund.

“Dhe më pas e përmbytën Britaninë e Madhe me kokainë, duke kërkuar të fitonin sa më shumë para.

“Modeli i tyre ishte të bashkëpunonin me bandat vendase, të bënin para dhe të shmangnin mosmarrëveshjet.

Shqiptarët mund të mendojnë se tani është koha për të bërë lëvizjen e tyre në Liverpool, ku ka një treg masiv kokaine.

“Ideja e një mafie shqiptare nuk është e dobishme, ata nuk kanë në krye një Don Corleone apo diçka të tillë.

"Bandat e ndryshme shqiptare të drogës janë zakonisht dhjetë të fortë. Anëtarëve u caktohen detyra të ndryshme. Ata kanë një shofer, një mbikqyrës dhe një grumbullues parash.

“Në mënyrë tipike anëtarët e bandës mund të jenë të lidhur dhe mund të vijnë të gjithë nga i njëjti qytet në Shqipëri.

“Ata kanë bërë shumë para nga shitja e koksit në Britaninë e Madhe, të cilën e kanë përdorur për të blerë toka dhe prona në Shqipëri”.

Eksperti tha se shumë nga gangsterët përdorin pasurinë e tyre për të ngritur ferma kanabisi dhe firma sigurie për të punuar si badigardë në Mbretërinë e Bashkuar

Ata shpesh detyrojnë djem të rinj të kujdesen për fermat e tyre dhe të shikojnë sesi vërshojnë paratë larg syve të policisë.

Ai shpjegoi: "Përsa i përket firmave të sigurisë, shqiptarët do të caktojnë portierë në një klub nate që përdoret nga narkotrafikantët. Portierët i ndihmojnë tregtarët të shesin në një mjedis të sigurt dhe në këmbim do të marrin një tarifë.

"Kjo është mënyra se si funksionon. Kështu ata kanë bërë shumë para gjatë dy dekadave të fundit.

“Anëtarëve të bandës shqiptare u pëlqen t’i shpenzojnë paratë e tyre në makina super si Ferrari, Lamborghini, Rolls Royce dhe Bentley.

"Gjëja kryesore është të kesh një targë regjistrimi të personalizuar. Të gjithë pinë kokainë dhe pëlqejnë pushimet e këndshme në Spanjë dhe Dubai."/ar.sh/SYRI.NET