Furnizoi me naftë peshkarexhën në Durrës, anija libiane u nis nga India

Anija nga Libia që furnizoi me rreth 50 mijë litra naftë anijen e peshkimit në Durrës, u nis nga porti i Sikka në Indi, më 19 dhjetor të vitit 2022.

Kjo anije, mbërriti në Portin e Durrësit në orët e para të mëngjesit të 14 janarit të këtij viti, pas 25 ditësh udhëtim.

Në pronësi të anijes, rezulton kompania Oceonix Servisec Ltd.

Euronews Albania ka siguruar foton e mjetit lundrues, i cili erdhi në port me 9 shtetas libianë dhe vetëm 12 mijë litra naftë të mbetur për t’u mundësuar kthimin.

Pjesa tjetër e naftës është përdorur për qëllime biznesi, pasi i është dhënë në ujërat neutrale në afërsi të brigjeve italiane anijes shqiptare.

Sasia e naftës prej 50 mijë litra karburant kontrabandë, u fut në ujërat shqiptare përmes anijes së peshkimit, por që u arrit të kapej nga autoritetet ligjzbatuese.