VIDEO/ Studenti tajvanez ndez polemika me reklamën 'e turpshme' buzë rrugës

Një student tajvanez kohët e fundit u bë tituj në lajme për një projekt të zgjuar artistic, që përfshinte një reklamë të madhe “të turpshme” që nuk ishte saktësisht siç dukej.

Facebook ka një politikë shumë strikte kur bëhet fjalë për lakuriqësinë, por kjo politikë shpesh zbatohet dobët. Për shembull, fotot që tregojnë thithkat e femrave konsiderohen lakuriqësi dhe hiqen pothuajse menjëherë nga algoritmi i Facebook. Sidoqoftë, mjeti është larg të qenit i përsosur dhe e ka të vështirë të dallojë thithkat e meshkujve dhe femrave, veçanërisht në rastin e meshkujve androgjenë. Ky ishte rasti me Wu, një student i hollë dhe flokëgjatë i artit nga Shezi, fshati Tainan, që iu hoq një foto artistike nga Facebook me arsyen “ekspozim i pahijshëm”. Përvoja i dha atij një ide…

Wu Zongdai, student i diplomuar në Universitetin e Arteve Jugore, ishte i intriguar nga vendimi i Facebook për të hequr foton, e cila e tregonte atë të shtrirë në një divan, veshur me të brendshme femrash.

Sytjena po i rrëshqet nga shpatullat dhe njëra nga thithat i duket, por Facebook nuk i merr në konsideratë thithkat e meshkujve lakuriq…

Kjo përvojë e bëri studentin kurioz se si do të reagonin njerëzit e vërtetë ndaj fotos së tij.

Studenti tajvanez mori me qira një reklamë në anë të rrugës në fshatin e tij të vogël të qetë dhe vendosi të njëjtën foto të hequr nga Facebook.

Pastaj  thjesht u ul dhe priti reagimet e njerëzve për të. Atij nuk iu desh të priste shumë, pasi fotografia e egër tërhoqi shpejt vëmendjen e vendasve. Brenda pak orësh, dikush njoftoi policinë dhe oficerët filluan të pyesnin përreth, duke u përpjekur të gjenin 'fajtorin'.

Kur policia e gjeti studentin Ëu dhe e paralajmëroi se mund të akuzohej për ekspozim të pahijshëm, studenti shpjegoi me qetësi se ishte ai  “ajo vajza” në fotografi dhe se reklama ishte një projekt arti.

Sipas Mirror Weekly, anëtarët e fakultetit u përpoqën të bindin Wu-në të hiqte billbordin, pasi rrezikonte të ndikonte në reputacionin e universitetit të tij. Megjithatë, studenti qëndroi në të vetënj, duke shpjeguar se emri i universitetit nuk përmendej askund në tabelë dhe se nuk kishte asnjë arsye ligjore për heqjen e imazhit.

Edhe pse njerëzit filluan ta pranonin billbordin e Wu Zongdai më shumë pasi mësuan se personi i paraqitur në foto ishte në të vërtetë një burrë, studentit i është kërkuar nga zyrtarët e Shezi-t që ta heqë atë më shpejt se sa kishte planifikuar fillimisht.

Ëu kishte paguar për hapësirën e reklamës deri në mars, por thuhet se do t'i duhet ta heqë atë më 5 shkurt, sepse edhe pse është burrë, fakti që ai duket si një grua në foton e diskutueshme ende i vë në siklet disa njerëz dhe komuniteti duhet respektuar.