Kievi dhe Moska do të shkëmbejnë 40 robër lufte pas marrëveshjes në Turqi

Rusia dhe Ukraina kanë rënë dakord për një shkëmbim të 40 robërve të luftës, tha të mërkurën komisionerja ruse për të drejtat e njeriut Tatyana Moskalkova pas takimit me homologun e saj ukrainas Dmytro Lubinets në Turqi.

Moskalkova dhe Lubinets u takuan në prag të një konference ndërkombëtare të Avokatit Publik  në Ankara. Fotot i treguan ata të ulur në anët e kundërta të një tavoline.

Bisedimet fillestare zgjatën për rreth 40 minuta, pasuar nga një raund i dytë që filloi rreth orës 10:30 CET.

Ndërsa u takuan, një betejë ishte ndezur për qytetin e vogël Soledar në Ukrainën lindore.

Më herët, Moskalkova kishte thënë në aplikacionin e mesazheve Telegram se ajo dhe Lubinets kishin diskutuar për ndihmën humanitare për qytetarët e Rusisë dhe Ukrainës.

Ata më vonë pritej të vizitonin pallatin presidencial turk, ku Presidenti Tajip Erdogan ishte planifikuar të mbante një fjalim për konferencën në orën 11:30 GMT.

Një burim turk tha se Moskalkova dhe Lubinets mund të diskutojnë për një korridor humanitar dhe situatën e fëmijëve që kishin ikur nga lufta.

Rusia dhe Ukraina kanë kryer shkëmbime të shumta të burgosurish -- së fundmi të dielën -- gjatë rrjedhës së luftës, e cila tani është në muajin e saj të 11-të.