Krizë e re para përfundimit të luftës në Ukrainë, lëvizja e shpejtë nga SHBA

Sytë dhe veshët e botës prej muajsh janë në Ukrainë.

Lufta e përgjakshme e cila filloi me urdhrin e dhënë nga presidenti rus Vladimir Putin në shkurt të vitit të kaluar, vazhdon akoma me beteja të përgjakshme.

Por një konflikt i ri ka filluar të lind mijëra kilometra larg Ukrainës.

Tensionet mes Kinës dhe Tajavanit kanë filluar të rriten, gjithashtu dhe problemet e Pekinit mes Japoninë nxinis frikën e një konflikti rajonal.

Ndërsa Tajvani vazhdoi përgatitjet e tij kundër një pushtimi të mundshëm kinez, një lëvizje si kërcënim erdhi nga SHBA.

Shtetet e Bashkuara kanë njoftuar se do të vendosin një regjiment të ri detar në Okinawa të Japonisë.

Deklarata u bë nga sekretari Amerikan i Mbrojtjes, Lloyd Austin pas takimit me homologun e tij japonez.

Austin u shpreh:

"Ne po zëvendësojmë një regjiment artilerie me një regjiment që është më vdekjeprurëse, më e shkathët, më e aftë," duke shtuar se masa do të "forconte parandalimin në rajon dhe do të na lejonte të mbrojmë Japoninë dhe popullin e saj në mënyrë më efektive. ”

Njoftimi i dërgon një sinjal të fortë Kinës dhe erdhi si pjesë e një serie nismash të krijuara për të nënvizuar një përshpejtim të shpejtë të lidhjeve të sigurisë dhe inteligjencës midis vendeve, shkruan CNN.

Zyrtarët u takuan të mërkurën si pjesë e takimit vjetor të Komitetit Konsultativ të Sigurisë SHBA-Japoni, disa ditë para se Presidenti Joe Biden të planifikojë të takohet me kryeministrin japonez Fumio Kishida në Shtëpinë e Bardhë.

Njësia e sapo rinovuar e marinës do të ketë bazën në Okinawa dhe ka për qëllim të sigurojë një forcë qëndrore që është në gjendje të mbrojë Japoninë dhe t'i përgjigjet shpejt situatave të paparashikuara, thanë zyrtarët amerikanë të mërkurën. 

Okinawa shihet si vend kyç për operacionet e ushtrisë amerikane në Paqësor – pjesërisht për shkak të afërsisë së saj me Tajvanin. 

Regjimenti strehon më shumë se 25,000 personel ushtarak amerikan dhe më shumë se dy duzina instalime ushtarake. 

Afërsisht 70% e bazave ushtarake amerikane në Japoni janë në Okinawa; një ishull brenda prefekturës Okinawa, Yonaguni, ndodhet më pak se 70 milje nga Tajvani, sipas Këshillit për Marrëdhëniet me Jashtë.