Kurti për vizitën e Chollet: Folëm për rëndësinë e progresit në dialogun për njohje reciproke me Serbinë
Kryeministri i Kosovës, Albin Kurti, ka njoftuar për takimin që pati sot me Këshilltarin e Lartë të Departamentit amerikan të Shtetit, Derek Chollet, dhe delegacionin e tij.
Kurti tha se kjo vizitë po vjen pas disa telefonatave e një takimi të zhvilluar me përfaqësues të DASh.
Kryeministri theksoi se në takim u diskutua për procesin e dialogut Kosovë-Serbi si dhe lidhjen Kosovë-ShBA.
“Pas shumë telefonatave dhe një takim me DASh gjatë dy viteve të kaluara, kisha nderin ta pres Këshilltarin Chollet dhe ekipin e tij sot në Qeverinë e Kosovës. Ne folëm për marrëdhënien e veçantë mes Kosovës dhe ShBA’ve si dhe rëndësinë e të bërit progres në dialogun për njohje reciproke me Serbinë”, shkroi Kurti në Twitter.
After many calls and a meeting @StateDept in the past two years, I was glad to host @CounselorDOS Chollet and his team today at the Kosova Govt. We discussed the special relationship btw ?? & ?? and the importance of progress in the dialogue for mutual recognition w/ Serbia. pic.twitter.com/5Kv6L7Wgp2
— Albin Kurti (@albinkurti) January 11, 2023