Regi Lushkja nis aventurën me fanellën e Tiranës, fati e vendos mesfushorin përballë ish-skuadrës së tij

Pas një aventure në kampionatin moldav në radhët e Sheriff Tiraspol, Regi Lushkja u rikthye sërish në Shqipëri, ku do të mbajë veshur fanellën e klubit të Tiranës.

Bardheblutë kanë zyrtarizuar marrëveshjen në ditën e djeshme, ndërsa sot kanë postuar një fotografi ku shihet se Lushkja ka dalë në stërvitje me pjesën tjetër të lojtarëve. Si për ironi të fatit, ndeshja e parë e Tiranës për vitin 2023 do të jetë pikërisht ndaj Laçit, ekipit ku u ngrit Lushkja dhe ku kaloi momente më të bukura në karrierë.