Qëlloi me pistoletë drejt ish-partneres/ Gjermani vret shqiptarin në Freiburgu

Ish-partneri i të dashurës vret shqiptarin në Gjermani/ Plumbat u nisën drejt ish-partneres

Një ngjarje e rëndë ka ndodhur në Gjermani, ku një shqiptar nga Kosova është vrarë me armë zjarri nga një shtetas gjerman.

Lajmin e kanë bërë të ditur mediat vendase, sipas të cilave vrasja ka ndodhur për motive të dobëta.

Mësohet se viktima është 31-vjeç dhe është dërguar në spital, por nga plagët e rënda ka ndërruar jetë.

Ngjarja ka ndodhur dy ditë më parë, ndërsa sipas autoriteve vendase, shqiptari është vrarë nga ish-partneri i të dashurës, i cili ka rënë në prangat e policisë.

Nga hetimet e policisë kriminale të Freiburgut, rezultoi se autori i dyshar, një 29-vjeçar, i shoqëruar nga një familjar, ka shkuar në adresën e shtëpisë së ish-partneres së tij ditën e krimit.

Një mosmarrëveshje për pronën ka bërë që i dyshuari të nxjerrë papritur armën dhe të qëllojë në drejtim të ish-partneres së tij, por plumbat kanë kapur 31-vjeçarin shqiptar.

Më pas autori është larguar me shpëjtësi nga vendngjarja.