‘Errësirë e plotë si vetë bashkia’/ Boçi nxjerr FOTO-n: 250 mln lekë tenderuan ndriçuesit! Ku janë?

Nënkryetari i PD-së dhe kandidati i opozitës për Bashkinë e Elbasanit, Luçiano Boçi ka denoncuar keqmenaxhimin dhe abuzimin me tenderat në këtë bashki.

Në postimin e tij në Facebook, Boçi ka shpërndarë një foto nga bulevardi i Elbasanit i cili ndodhet në errësirë të plotë dhe thekson se bashkia ka tenderuar 250 milionë lekë për blerje ndriçuesish por sërish qyteti është pa drita.

‘Kanë skualifikuar të gjithë operatorët e tjerë, për t'ia dhënë të preferuarit të tyre dhe ja ku janë! Errësirë e plotë si vetë bashkia!’, shkruan Boçi në Facebook.

Postimi i plotë:

?Bashkia Elbasan kampione në keqmenaxhim dhe abuzim me tenderat!

Kjo në foto është panorama e bulevardit kryesor të Elbasanit në mbrëmje! I gjithi në errësirë të plotë!

? 250 mln lekë ka tenderuar Bashkia e Elbasanit për blerje ndriçuesish! Ku janë?

Kanë skualifikuar të gjithë operatorët e tjerë, për t'ia dhënë të preferuarit të tyre dhe ja ku janë! Errësirë e plotë si vetë Bashkia!

?Në 14 maj merr fund kjo keqqverisje 16 vjeçare?✌️