Ronaldo takon të riun me aftësi të kufizuara që recitoi Kuranin në ceremoninë hapëse të Kupës së Botës
Një nga futbollistët më të mëdhenj të të gjitha kohërave, Cristiano Ronaldo, u takua me YouTuber-in e famshëm nga Katari, Ghanim Al-Muftah, 20 vjeç, i cili tërhoqi vëmendjen duke recituar Kuranin në ceremoninë e hapjes së Kupës së Botës së fundit në Katar.
Al-Mufta ka lindur në Doha të Katarit me sindromën e regresionit kaudal, një sëmundje që ndikon në zhvillimin e shtyllës kurrizore të poshtme dhe gjymtyrëve të poshtme, duke e detyruar atë të luftojë dhe të jetojë pa këmbë.
Megjithatë, kjo nuk e pengoi atë që në moshën 15-vjeçare të bëhej sipërmarrësi më i ri në Katar.
Mjekët i thanë se ndoshta do të vdiste para se të mbushte 15 vjeç, por ai arriti ta kalojë këtë sfidë duke u dhënë kështu shpresë të gjithë personave me aftësi të kufizuara.
Ai performoi edhe në ceremoninë e hapjes së Kupës së Botës me Morgan Freeman kur recitoi një varg nga Kurani, ndërsa tani më në fund takoi Cristiano Ronaldon dhe ndau detajet e takimit të tyre në rrjetet sociale.
Cristiano Ronaldo nuk ishte në fushë për ndeshjen në të cilën Al-Nassr-i i tij arriti një fitore ndaj Al Tai me rezultat 2-0, dhe ai do të humbasë ndeshjen e radhës për shkak të një pezullimi prej dy ndeshjesh në Angli që u transferua edhe në Arabia Saudite.