Nis aventura gjermane, Simon Simoni zbret në fushë me shokët e rinj
Simon Simoni ka hedhur një hap të madh duke u transferuar nga Dinamo tek Eintracht Frankfurt në Bundesliga. Portieri i talentuar shqiptar, firmosi deri në vitin 2027 me kampionët në fuqi të Europa League.
18-vjeçari ka nisur sot përgatitjet me shokët e rinj, teksa do të mbajë veshur fanellën me numrin 41. Skuadra e Oliver Glasner ka filluar zyrtarisht seancat stërvitore për pjesën e dytë të sezonit 2022/2023.
Eintrachti renditet në vendin e katërt në Bundesliga dhe takimin e parë për këtë vit e luan ndaj Schalke 04 në shtëpi (21 janar).
Skuadra gjermane vazhdon garimin edhe në Champions, kompeticion ku do të sfidojë Napolin për një biletë në çerekfinale.
🆕ℹ️
— Eintracht Frankfurt (@eintracht_eng) January 5, 2023
New signing Simon Simoni was also in action on the pitch for the first time in Eagles colours. 🦅🧤#SGE pic.twitter.com/cetc3H2RIw