Xi: Kina është e gatshme të rrisë bashkëpunimin politik me Rusinë

Presidenti kinez Xi Jinping është shprehur se Pekini është gati të rrisë bashkëpunimin politik me Moskën të premten, gjatë një takimi virtual me homologun e tij rus, Vladimir Putin, sipas mediave shtetërore ruse.

"Në sfondin e një situate të vështirë ndërkombëtare, Kina është e gatshme të rrisë bashkëpunimin politik me Rusinë" dhe "të jenë partnerë globalë", tha Xi, sipas raportit të medias shtetërore ruse.

Ndërsa në fjalën hyrëse të transmetuar në televizionin shtetëror rus, Putin tha se forca stabilizuese e marrëdhënieve Rusi-Kinë po bëhej edhe më kritike në sfondin e rritjes së tensioneve gjeopolitike.

Ai shtoi se marrëdhëniet midis Federatës Ruse dhe Kinës ishin "më të mirat në histori" dhe mund të "përballonin të gjitha testet" dhe ftoi Xi në Moskë në pranverën e vitit 2023.

"Ne ndajmë të njëjtat pikëpamje për shkaqet, rrjedhën dhe logjikën e transformimit të vazhdueshëm të peizazhit gjeopolitik global," tha Putin. 

“Përballë presionit dhe provokimeve të paprecedentë nga Perëndimi, ne mbrojmë qëndrimet tona parimore dhe mbrojmë jo vetëm interesat tona, por edhe të gjithë ata që mbrojnë një sistem të vërtetë demokratik dhe të drejtën e vendeve për të vendosur lirisht fatin e tyre”.

Udhëheqësi rus vuri në dukje gjithashtu një rritje rekord në tregti, pavarësisht nga "kushtet e pafavorshme të tregut", një referencë e fshehtë ndaj sanksioneve dhe tha se ato do të rrisin qarkullimin tregtar në 200 miliardë dollarë përpara afatit.

Putin tha gjithashtu se të dy vendet do të forcojnë bashkëpunimin midis forcave të tyre të armatosura: "Ne synojmë të forcojmë bashkëpunimin ushtarak dhe ushtarako-teknik me Kinën".