VIDEO/ Propozimi unik për martesë i tifozit të Tiranës tërheq vëmendjen e Didier Drogba
Një tifoz i Tiranës vendosi t'i propozonte të dashurës së tij në një mënyrë unike dhe video e kësaj surprize u bë shpejt virale në rrjet.
Gjithçka ndodhi në prag të ndeshjes mes Tiranës dhe Partizanit, teksa lojtarët ishin ende duke kryer nxehje, tifozi u fut me vrap në fushë dhe u rrëzua.
Sigurimi reagoi shpejt, me tifozin që i tregoi se ishte i lënduar. Shumë shpejt drejt tij vrapoi ekipi mjekësor, më pas një ultras i tifozëve dhe më pas pasoi një surprizë.
Tifozi nxorri një unazë nga xhaketa dhe i ka propozuar për martesë, ndërsa ajo i ka thënë “po” kënaqësisë së përgjithshme të të gjithëve në stadium.
Videoja është shpërndarë shumë në rrjetet sociale, ndërsa nën një prej postimeve ka komentuar edhe sulmuesi legjendar i Bregut të Fildishtë, Didier Drogba.
“ Disa do të thonë se ai u zhyt (në probleme)”, ka shkruar sulmuesi i njohur.