Zelensky në SHBA/ Një përpjekje e profilit të lartë për të mbetur në axhendën amerikane

Presidenti ukrainas Volodymyr Zelensky, po viziton Uashingtonin, në vizitën e tij të parë jashtë vendit që nga fillimi i luftës. Në qendër të vizitës është ndihma amerikane për Kievin

Nga Anthony Zurcher, BBC

Gjatë këtij viti, Kongresi Amerikan ka miratuar rreth 67 miliardë dollarë ndihmë ushtarake dhe ekonomike për Ukrainën. Një paketë shpenzimesh për vitin 2023, që Kongresi e ka gati ta miratojë këtë javë, përfshin një ndihmë shtesë prej 45 miliardë dollarësh për Ukrainën.

Vizita e Zelensky në Uashington këtë të mërkurë është një përpjekje, pjesërisht, për të siguruar që ndihma amerikane do të vazhdojë të rrjedhë.

Megjithatë, kjo po bëhet gjithmonë e më sfiduese. Në maj, 57 republikanë në Dhomën e Përfaqësuesve me 435 vende dhe 11 në Senatin me 100 vende, votuan kundër një pakete ndihme të pavarur prej 40 miliardë dollarësh dhe sondazhet treguan se mbështetja republikane për ndihmën e vazhdueshme është në rënie që atëherë.

Në një sondazh të kryer në nëntor, pak më shumë se gjysma e votuesve republikanë mbështetën ndihmën për Ukrainën- nga 80 përqind në mars. Disa republikanë e shtruan hapur pyetjen gjatë zgjedhjeve të mes-mandatit se pse SHBA po shpenzon kaq shumë për një vend të largët, në vend që të financojë sigurinë kufitare dhe të luftojë krimin në shtëpi.

Kryetari i ardhshëm i Dhomës së Përfaqësuesve, Kevin McCarthy ka shprehur që tani shqetësimin për çdo çek tjetër të bardhë për Ukrainën. Dhe pati mosbesueshmëri publike mes disa republikanëve në Kongres, kur udhëheqësi i pakicës republikane në Senat, Mitch McConell tha të martën se ndihma për Ukrainën është përparësia numër një për partinë e tij.

Zelensky nuk ka nevojë për ndihmë të mëtejshme për Ukrainën për të qenë në krye të listës së detyrave të republikanëve për vitin që vjen, por udhëtimi i tij në Uashington është një përpjekje e profilit të lartë për të siguruar që kjo gjë nuk zhduket plotësisht nga axhenda.