Gjenden të vdekur, 4 marinarë tajlandezë pas mbytjes së anijes luftarake

Ekipet e shpëtimit kanë nxjerrë trupat e katër anëtarëve të ekuipazhit të një anijeje luftarake tajlandeze që u mbyt në brigjet juglindore të vendit, tha shefi i marinës.

Detarët e vdekur u gjetën të martën bashkë me dy të mbijetuar, të gjithë të veshur me jelek shpëtimi, 37 milje në jug të vendit ku anija u mbyt natën e së dielës.

Po vijon kërkimi për 24 marinarët e zhdukur. Marina thotë se 77 të tjerë janë shpëtuar.

HTMS Sukhothai me 105 anëtarë të ekuipazhit u mbyt pasi mbeti pa energji në mes të një stuhie.

Marina dhe forcat ajrore tajlandeze kanë kaluar dy ditë në kërkim të të mbijetuarve, me qindra oficerë në katër anije të marinës si dhe disa helikopterë të vendosur për të kontrolluar një zonë prej 50 km katrorë në Gjirin e Tajlandës.

Një komandant i marinës tajlandeze kishte sugjeruar më parë se ekuipazhet e kërkimit kishin vetëm një mundësi dy-ditore për të gjetur dikë të gjallë në oqean.

"Jeleku i shpëtimit, bova e shpëtimit dhe teknikae e tyre lundruese na japin 48 orë kohë për të shpëtuar jetën e tyre," tha zëvendësadmirali Pichai Lorchusakul.

"Prandaj, e marta do të jetë kulmi. Ne do të përpiqemi të bëjmë sa më shumë që të mundemi për t'i shpëtuar ata," shtoi ai.

Disa marinarë janë gjetur tashmë, të rraskapitur dhe disa pa ndjenja.

"Ne e gjetëm këtë djalë duke u mbajtur te një bovë shpëtimi... ai po notonte në ujë prej 10 orësh," i tha Reuters kapiteni Krapich Koraëee-Paparëit i HTMS Kraburi.

Ai shtoi se i riu, ende i vetëdijshëm, kishte një plagë të lehtë në kokë dhe "sy të lënduar pasi ishte i ekspozuar ndaj ujit të detit".