SYRI TV/ Qeveria merr kredi 30 milionë euro, Peleshi: Do marrim 2 mjete fluturuese për zjarret

Këshilli i Ministrave miratoi sot një marrëveshje me Italinë, që parashikon kredi prej 30  milionësh për investime në mbrojtjen civile. Ministri i Mbrojtjes Niko Peleshi  deklaroi se me këtë kredi do të blihen dhe dy mjete fluturuese për fikjen e zjarreve.  

Nga SYRI TV

Qeveria ka miratuar marrëveshjen  me shtetin italian,  që parashikon  marrjen e një financimi në formë huaje  prej 30 milionë eurosh, që do përdoret për të rritur kapacitet e mbrojtjes civile. Ministri i Mbrojtjes Niko Peleshi deklaroi  se kredia prej  30  milionë eurosh  parashikon edhe blerjen e 2 mjeteve fluturuese,  për fikjen e zjarreve.  
Ministri  i Mbrojtjes  deklaroi  se po zhvillohen diskutime me përfaqësuesit e lartë të NATO-s për të  sjellë një bazë të NATO-s në portin e ri tregtar të Durrësit, por pa dhënë një përgjigje definitive nëse kjo bazë do të atashohet në Porto Romano,  duke thënë se po shikohen mundësitë e financimit.