VIDEO/ Ekzekutim mafioz, detaje te reja nga vrasja e dy shqiptarëve në Greqi

Policia greke është shprehur se larja e hesapeve është shkaku i vrasjes që ndodhi mbrëmjen e së dielës në Nea Smyrni ku dy shqiptarë mbetën të vdekur nga një vrasës i maskuar, i cili nuk ngurroi të hapte zjarr në një kafene në sheshin e zonës ndërsa brenda saj ndodheshin dhe qytetarë të tjerë që nuk kishin lidhje me ngjarjen. 

Nga të shtënat mbeti e plagosur dhe një 31 vjeçare e cila fatmirësisht është jashtë rrezikut për jetën dhe ndodhet në spitalin “Kryq i Kuq’ ku po trajtohet. 

Në videot e publikuara shihet vrasësi me kapuç, para se të hapte zjarr në tavolinën jashtë lokalit, ku ishin ulur 41  dhe 44 vjeçari i vrarë. 

Oficerët e policisë që ndodheshin në zonë që në momentin e parë kanë mbledhur pamje nga kamerat e sigurisë për të parë lëvizjet e vrasësit, si dhe mënyrën se si ai ka mbërritur në sheshin Nea Smyrni , ashtu si edhe për mënyrën se si ai u largua nga sheshi.

Video e momentin kur personi i maskuar ekzekutoi me gjakftohtësi dy shqiptarët tregon personin e armatosur që mbolli vdekjen dhe tmerrin në Smyrna e Re duke qëlluar pesë herë në tryezën ku ishin ulur dy viktimat.

Νέα Σμύρνη πριν. Μέσα σε κόσμο. Πάμε πολύ πολύ καλά #νεασμυρνη pic.twitter.com/NOWRMfC1wD

— island (@islandlayer13) December 18, 2022

41-vjeçari shqiptar ka marrë dy plumba në kokë dhe ka gjetur vdekjen në vend, ndërsa 44-vjeçari është qëlluar me një plumb në gjoks. 

Gjatë ngjarjes, vajza 31-vjeçare e cila ishte ulur në një tavolinë aty pranë ka mbetur e plagosur në bark.

Si 31-vjeçarja, ashtu edhe 44-vjeçari shqiptar u transportuan me autoambulanca të EKAV-it drejt Kryqit të Kuq, ku ky i fundit ndërroi jetë pak orë më vonë.

Sipas informacioneve një nga dy viktimat e të shtënave në Nea Smyrni rezulton bodyguard klubesh nate në zonë. 

Personi  funksiononte në rolin e tij si “kumbar” për marrjen nën kontroll të sigurisë së klubeve të natës.

Kohët e fundit, viktima kishte ndryshuar shpesh mënyrat e transportit, duke udhëtuar herë me makina të shpejta dhe herë me motorrë të mëdhenj.

Imazhe të rënda: