'Vjedhje në bashkëpunim'/ Në pranga 1 punonjës i postës, shoqërohen 2 të tjerë, në kërkim 1 tjetër

Policia e Tropojës ka arrestuar një punonjës të Degës Postare Bajram Curri, pasi akuzohet për veprat penale “Vjedhja e kryer duke shpërdoruar detyrën" dhe "Shpërdorimi i detyrës".

Në kërkim është shpallur edhe një shtetase tjetër me iniciale Sh. D. 52 vjeç.

Gjithashtu janë shoqëruar shtetaset Xh. V., 59 vjeçe dhe Ç. Q, 32 vjeçe, banuese në fshatin Paç, punonjëse të Degës Postare Bajram Curri, Tropojë.

Njoftimi i policisë/ Tropojë

Specialistët për Hetimin e Krimeve të Komisariatit të Policisë Tropojë ndaluan shtetasin M. Ç., 63 vjeç, banues në fshatin Llugaj, si dhe shpallën në kërkim shtetasen Sh. D., 52 vjeçe, banuese në fshatin Shoshan, Tropojë, me detyrë punonjës të Degës Postare Bajram Curri, Tropojë. 

Për këta dy shtetas, Prokuroria pranë Gjykatës së Rrethit Gjyqësor Tropojë ka dërguar urdhrin për ekzekutimin e vendimit të Gjykatës së Rrethit Gjyqësor Tropojë, e cila iu ka caktuar atyre masën e sigurisë "Arrest në burg”, për veprat penale “Vjedhja e kryer duke shpërdoruar detyrën" dhe "Shpërdorimi i detyrës".

Gjithashtu, nga specialistët për Hetimin e Krimeve të Komisariatit të Policisë Tropojë u bë ekzekutimi i masave "Detyrimi për t'u paraqitur në policinë gjyqësore", të caktuara nga Gjykata e Rrethit Gjyqësor Tropojë, për veprën penale "Shpërdorimi i detyrës", për shtetaset:

Xh. V., 59 vjeçe dhe Ç. Q, 32 vjeçe, banuese në fshatin Paç, punonjëse të Degës Postare Bajram Curri, Tropojë.

#angazhimpërkushtimsakrificë?️?

#tëvendosurkundërkrimit✅

#nëçdoskajtëvendit??

#nëshërbimtëqytetarëve?️??️