Mbështeti Specialen/ Vjosa Osmani hesht për dënimin e komandant 'Calit'

Asnjë fjalë, askund, Vjosa Osmani nuk e tha për dënimin që iu shqiptua Salih Mustafës, shkruan Syri.net Kosova.

Presidentja po ashtu asnjëherë nuk vizitoi asnjë të akuzuar në Gjykatën Speciale në Hagë.

E në anën tjetër, ajo ishte njëra ndër deputetet që votoi pro themelimit të saj.

Për votën që do të jepte asokohe, thoshte se nuk kishte kurrfarë presioni. 

Për votën pro, ish-deputetja Osmani arsyetohej edhe me citate nga Karta e Kombeve të Bashkuara.

Lidhur me këtë jepte edhe shembuj.

Osmani thoshte se çdo veprim ndryshe në atë rast do ta cenonte pavarësinë e Kosovës.

Ajo ishte e bindur edhe për diçka tjetër. Jepte edhe një porosi.

E për gjithë këtë, nëse po vepronte gabimisht, kërkonte t’i bëhej gjyq. Kërkonte të gjykohej me votë nga qytetarët.