Aktori Jean-Claude Van Damme viziton Ukrainën
Aktori Jean-Claude Van Damme ndodhet për një vizitë në Ukrainë.
Lajmi është bërë i ditur nga Ministria e Mbrojtjes së Ukrainës përmes një video që ka shpërndarë në rrjete sociale.
Në videon, e shpërndarë në Twitter, aktori shfaqet duke pozuar me banorët vendas, teksa ka shprehur mbështetjen e tij duke thënë “Lavdi Ukrainës”.
“Ai, si askush tjetër, e di se çfarë është ndikimi i dyfishtë”, thuhet më tej në postim.
Krahas Van Damme, të shumtë kanë qenë artistët që kanë vizituar Ukrainën e kanë shprehur përkrahjen e tyre për t’i dalë në ndihmë vendit gjatë kësaj periudhe të vështirë.
Rusia ndërkohë ka nisur pushtimin e Ukrainës në shkurt të këtij viti.
Presidenti i Ukrainës, Volodymyr Zelensky, ditë më parë po ashtu u shpall ‘Njeriu i Vitit’ nga revista Time në shenjë mirënjohjeje për udhëheqjen e tij gjatë luftës.
Ai kishte refuzuar të largohej nga Kievi në momentin kur nisi pushtimi, ndërsa theksoi: “Lufta është këtu. Unë kam nevojë për armë, jo për një udhëtim”.
It is no coincidence that Jean-Claude Van Damme @JCVD shouts "Slava Ukraini!" [Glory to Ukraine] twice.
— Defense of Ukraine (@DefenceU) December 14, 2022
He, like no one else, knows what double impact is. pic.twitter.com/CDPieu2MR5