Si asnjëherë më parë nuk janë burgosur dhe vrarë kaq shumë gazetarë sa në 2022-in

Numri i gazetarëve të burgosur në botë ka arritur një rekord të ri dramatik në vitin 2022: ata janë 533, rreth 40 më shumë se vitin e kaluar (488) , kur ishte tashmë një nivel historik.

Kjo është bërë e ditur nga raporti vjetor i RSF, Reporterët pa Kufi .

Numri i gazetarëve të vrarë (57) është gjithashtu në rritje, veçanërisht për shkak të luftës në Ukrainë, ndërsa ka qenë "historikisht i ulët" në 2021 (48) dhe 2020 (50). 

Më shumë se gjysma e gazetarëve të arrestuar në mbarë botën që nga 1 dhjetori janë në pesë vende: Kinë (110), Burma (62), Iran (47), Vietnam (39) dhe Bjellorusi (31).

Irani është i vetmi vend që nuk ishte pjesë e kësaj liste të zezë vitin e kaluar, nënvizon OJQ-ja me bazë në Paris, e cila ka prodhuar këtë raport vjetor që nga viti 1995.

Republika Islamike në fakt ka burgosur një numër profesionistësh të medias "pa precedentë" në 20 vjet që nga fillimi i lëvizjes protestuese që shpërtheu në shtator. 

Tridhjetë e katër gazetarë të rinj iu bashkuan 13 gazetarëve që ishin mbajtur në burg përpara se të fillonin protestat.

“Regjimet diktatoriale dhe autoritare po i mbushin burgjet më shpejt duke burgosur gazetarët”, denoncoi Christophe Deloire, sekretar i përgjithshëm i OJQ-së për mbrojtjen e lirisë së shtypit.

Brenda këtij vlerësimi global, RSF vëren një numër të paprecedentë gazetarësh të burgosur: ata janë 78 (krahasuar me 60 vitin e kaluar). 

“Gazetaret femra përfaqësojnë tani pothuajse 15% të të burgosurve, krahasuar me më pak se 7% pesë vjet më parë”, sipas OJQ-së.