Ish-Presidenti brazilian Bolsonaro prapa protestave të dhunshme: Të ardhmen e vendosni ju!
Sao Paulo - Mbështetësit e presidentit brazilian Jair Bolsonaro dogjën autobusë, u përleshën me policinë dhe u përpoqën të futeshin me forcë në selinë e Policisë Federale në kryeqytet, Brasília, të hënën mbrëma, pasi një prej tyre u arrestua.
Televizioni brazilian dhe mediat sociale treguan imazhe të mbështetësve të Bolsonaros duke u përpjekur të shtyjnë një autobus nga një viadukt dhe duke u vënë flakën makinave.
Policia është kundërpërgjigjur me gaz lotsjellës. Është e paqartë se sa njerëz janë arrestuar, nëse ka, apo nëse dikush është plagosur në protestat pranë hoteleve dhe ndërtesave qeveritare.
Mbështetësit e zotit Bolsonaro kanë demonstruar përpara bazave ushtarake në një përpjekje për të detyruar ushtrinë të sigurojë që presidenti të mbetet në detyrë, edhe pse ai humbi në përpjekjen e tij për të fituar rizgjedhjen më 30 tetor.
Zoti Bolsonaro nuk e pranoi humbjen pasi Luiz Inácio Lula da Silva, një i majtë dhe ish-president, fitoi me një rezultat të ngushtë. Presidenti nuk i thirri protestuesit në rrugë të hënën mbrëma, megjithëse më herët gjatë ditës ai doli nga pallati presidencial dhe u takua në heshtje me ta.
Protesta të hënën nisi vetëm disa orë pasi Gjykata Zgjedhore e vendit certifikoi zgjedhjen e z. da Silva, një ish-udhëheqës sindikatash i cili kishte shërbyer dy mandate presidenciale duke filluar nga viti 2003 përpara se të kandidonte sërish për postin në moshën 77-vjeçare.
Ajo që i preku demonstruesit, tha në një deklaratë sekretariati i sigurisë publike të Brasilias, ishte arrestimi i José Acácio Serere Xavante.
Gjykatësi i Gjykatës së Lartë, Alexandre de Moraes, kishte urdhëruar arrestimin e z. Z. Xavante, po ai nuk mund të kontaktohej për koment dhe ishte e paqartë nëse kishte një avokat. Protestat u zhvilluan jo shumë larg hotelit ku ndodhen z. da Silva dhe shoku i tij, Geraldo Alckmin, në Brasília.
Disa nga protestuesit thuhet se kanë ngritu kamp jashtë hotelit ku Presidenti i zgjedhur Lula po qëndron aktualisht, megjithëse nuk raportohet për përplasje.
Bolsonaro ka refuzuar të pranojë zgjedhjet dhe pavarësisht se nuk ka bllokuar dorëzimin e qeverisë kundërshtarit të tij të njohur si Lula, ai gjithashtu ka nxitur mbështetësit e tij duke u thënë atyre se e ardhmja e tij politike ishte në duart e tyre. “Kush vendos se ku të shkosh, je ti. Kush vendos se në cilën rrugë shkojnë forcat e armatosura, je ti,” u tha ai mbështetësve të tij gjatë një konference për shtyp të premten.
Ai gjithashtu ka pretenduar se sistemi elektronik i votimit që përdor vendi dhe është përdorur për cikle të shumta zgjedhore ishte i prirur për mashtrim, megjithëse pretendimet e tij janë mbyllur nga gjykatat për shkak të mungesës së provave.
A extrema-direita bolsonarista ultrapassou faz tempo o limite da política. Política é feita com ideias.
— Maria do Rosário (@mariadorosario) December 13, 2022
O que acontece essa noite em Brasília são atos terroristas organizados.
Inaceitável.
A escalada da violência tem q acabar ja pela união de todas as instituições. pic.twitter.com/OUGOYMBSvz