VIDEO/ Macja ndërpreu konferencën e Brazilit para ndeshjes me Kroacinë, zëdhënësi e hoqi nga tavolina
Një ngjarje e pazakontë ka ndodhur në një konferencë shtypi përpara ndeshjes çerekfinale të Kupës së Botës ndërmjet Brazilit dhe Kroacisë.
Sulmuesi i Brazilit, Vinicius po u përgjigjej pyetjeve të gazetarëve kur një mace u hodh mbi tavolinë dhe u nis drejt zëdhënësit të kombëtares braziliane, i cili ishte ulur pranë yllit të Real Madrid.
Më pas PR brazilian e përkëdheli, më pas e kapi dhe e hodhi nga tavolina, duke lënë të habitur gazetarët e pranishëm nga kjo lëvizje.
Pasi ngriti supet, ai kërkoi me shpejtësi pyetjen e radhës nga përfaqësuesi i medias, ndërsa Vincius qeshi me skenën e pazakontë.
A cat interrupted @vinijr’s press conference 😂
— Hayters TV (@HaytersTV) December 7, 2022
Not sure about the press officer’s handling of the situation 😳#FIFAWorldCup pic.twitter.com/ONSFaVaQ8K
Kroacia dhe Brazili do të hapin çerekfinalet e Botërorit me një ndeshje të premten në orën 16:00. Kroacia u rendit në mesin e tetë më të mirëve pas një penalltie më të mirë kundër Japonisë, ndërsa Brazili ishte bindës ndaj Koresë së Jugut.
Çiftet e çerekfinaleve:
Kroaci - Brazil (e premte ora 16:00)
Holandë - Argjentinë (e premte ora 20:00)
Marok - Portugali (e shtunë ora 16:00)
Angli - Francë (e shtunë ora 20:00)