Kujtoi se ishte parkim, thyen traun e Parlamentit dhe hyn në oborr me makinë, policia thotë se…
Një shtetas ende i paidentifikuar, ka dashur të parkojë makinën brenda oborrit të Parlamentit.
Burime bëjnë me dije se personi në fjalë ka kujtuar se oborri i Parlamentit shërben si parkim.
Ai ka futur makinën duke dëmtuar traun.
Dyshohet se shoferi i makinës kurohet me ilaçe depresioni.
Personi është shoqëruar në komisariatin e policisë nr.1 për veprime të mëtejshme.
Njoftimi:
Tiranë/Informacion paraprak
Më datë 07.12.2022, te Parlamenti, shtetasi M. B., 32 vjeç, duke drejtuar automjetin e tij, ka dëmtuar traun e hyrjes në Parlament.
32-vjeçari është shoqëruar në komisariat dhe po punohet për sqarimin e rrethanave të ngjarjes.