VIDEO/ Lojtari i Uruguait goditi me bërryl drejtorin e FIFA-s, i quajti hajdutë arbitrat e Kupës së Botës
Lojtari i kombëtares uruguaiane, Jose Gimenez, mund të pezullohet për 15 ndeshje pasi goditi me bërryl një zyrtar të FIFA-s, pas eliminimit të ekipit të tij nga Kupa e Botës.
Fitorja 2-1 e Koresë së Jugut ndaj Portugalisë e dërgoi Uruguain në shtëpi, pavarësisht se mundi Ganën 2-0 në një ndeshje të diskutueshme.
Uruguaianët ishin të pakënaqur me gjykimin dhe protestuan dhunshëm në disa raste. Gimenez humbi plotësisht qetësinë egjatë përpjekjes për t'u përballur me arbitrin dhe shokët e tij të skuadrës duhej ta qetësonin, ndërsa ai bërtiste dhe ndiqte arbitrin Daniel Siebert.
Viene sanción severa para José Maria Giménez, agredido a un representante de FIFA. #PorLasQueMueres⚽️ pic.twitter.com/N5xWGk6WUK
— #PorLasQueMueres (@Salcedo_Hugo) December 3, 2022
Mbrojtësi i Atletico Madrid-it madje e ka goditur me bërryl në pjesën e pasme të kokës drejtorin e garave të FIFA-s gjatë rrugës për në dhomën e zhveshjes, gjë që është regjistruar edhe nga kamerat dhe ai përballet me një pezullim afatgjatë nëse konstatohet se e ka bërë këtë gjest me qëllim.
Kjo nuk ishte e gjitha, pasi ai u filmua teksa shante gjyqtarët dhe i quajti hapur hajdutë.
❗️ Josema Giménez after the game: “They [the referees] are all a bunch of thieves these sons of b*tches. Yes, record me. Son of a b*tch.”
— Atletico Universe (@atletiuniverse) December 2, 2022
pic.twitter.com/Im77roiqCu
"Janë të gjithë një tufë hajdutësh, këta bij kurvash. Po, më filmoni. Bir kurve", bërtiti Gimenez i tërbuar.
“Mundo Deportivo” pretendon se Gimenez mund të përballet me një pezullim prej 15 ndeshjesh ose përjashtim nga futbolli për një periudhë "adekuate" kohore, por nuk specifikohet nëse kjo vlen për klubin apo ekipin kombëtar.