PAMJE TË RËNDA/ Ushtari izraelit vret me armë të riun palestinez gjatë përleshjes fizike
Përleshjet mes ushtrisë izraelitëve dhe civilëve palestinezë në Bregun Perëndimor ditët e fundit kanë sjellë disa viktima.
Sipas Ministrisë së Shëndetësisë palestineze, vetëm brenda një dite, ushtarët izraelitë kanë vrarë 6 civilë.
Ditën e sotme, 2 dhjetor është regjistruar një tjetër moment dramatik në një zonë pranë qytetit Nablus.
Një ushtar izraelit ka qëlluar për vdekje një të ri palestinez, pasi ky i fundit bëri rezistencë gjatë tentativës për t'u shoqëruar.
Në rrjetet sociale janë publikuar pamje të rënda nga kjo ngjarje.
Në video duket ushtari izraelit që ka ndaluar palestinezin e identifikuar më pas si Ammar Mufleh. Ky i fundit nuk pranon të arrestohet dhe përleshet fizikisht me ushtarin izraelit dhe gati i rrëmben armën automatike. Gjatë tentativës për t'u arratisur ai vritet me pistoletë nga ushtari izraelit.
E gjithë skena ndodhi në qytetin Hawara, të Bregut Perëndimor të pushtuar nga Izraeli.
Trupi i viktimës është marrë disa minuta më pas nga ushtria izraelite.