Collina paralajmëron futbollistët në Kupën e Botës: Prisni sanksione shumë të rënda

Presidenti i Komisionit të Arbitrave të FIFA-s, Pierluigi Collina, deklaroi se misioni i parë i arbitrave në Botëror do të jetë mbrojtja e lojtarëve dhe ata që bëjnë shkelje të rënda rrezikojnë sanksione shumë të rënda disiplinore.

"Kupa e Botës është turneu më i rëndësishëm në botë. Lojtarët më të mirë janë atje dhe do të ishte e tmerrshme nëse njëri prej tyre nuk mund të luante për shkak të një dëmtimi të shkaktuar nga një kundërshtar. Gjëja më e rëndësishme është të mbrojmë lojtarët. Nuk duam të shohim asnjë ndërhyrje që rrezikon lojtarët, përndryshe i presin sanksione shumë të rënda disiplinore, pra kartonë të kuq”, shpjegoi Collina në një konferencë për shtyp në Doha.

Ai siguroi gjithashtu se simulimet dhe reagimet e tepruara ndaj gjyqtarëve nuk do të pranohen dhe premtoi se gjyqtarët do të jenë shumë të kujdesshëm për kohën reale të lojës.

“The message is to protect the players’ safety”, Pierluigi Collina.#Qatar2022 pic.twitter.com/cQwz2vdF9k

— Rodolfo Landeros (@RodolfoLanderos) November 18, 2022

Kujtojmë se në Botërorin e Rusisë 2018 pati vetëm katër kartonë të kuq gjatë gjithë turneut.