VIDEO/ Aguero në ‘avionin e gabuar’ drejt Katarit, tifozët kundërshtarë e lënë pa gjumë
Sergio Aguero u tërhoq nga futbolli një vit më parë për shkak të problemeve në zemër.
Edhe pse jo pjesë e ekipit, një nga sulmuesit më të mirë të brezit të tij, vijon të mbetet tifozi numër një i kombëtares argjentinase, me të cilën regjistroi 101 ndeshje dhe 41 gola gjatë karrierës së tij fantastike. 34-vjeçari ka udhëtuar drejt Katarit, teksa në avion ka qëlluar me disa tifozë brazilianë.
Këta të fundit nuk e ndalën festën e tyre për asnjë moment, siç dallohet në videon e postuar nga “El Kun”, i cili shkruan: “I gjithë udhëtimi ishte kështu”, ndërkohë që në sfond dëgjohen koret e tifozëve të kombëtares seleçao.
😩😩😩😩 pic.twitter.com/S0HZ2uxfMt
Argjentina është pjesë e grupit C bashkë me Poloninë, Meksikën dhe Arabinë Saudite. Ekipi i Lionel Scalonit luan takimin e parë në Kupën e Botës të martën e 22 nëntorit ndaj Arabisë Saudite.