Rumania dhe Bosnja arrestojnë abuzuesit e fëmijëve në internet, të vegjlit nga gjashtë muajsh deri në 15 vjeç
Shfrytëzimi seksual i fëmijëve ka çuar në disa arrestime në Rumani dhe Bosnje, ndërsa mediat në internet kanë vazhduar të përhapin lajme të rreme dhe të promovojnë fushata mashtruese anti-BE, shkruan Balkaninsight.
Rumania dhe Bosnja arrestuan disa persona javët e fundit pas hetimeve për shfrytëzimin seksual të fëmijëve në internet.
Media të shumta online në rajon, veçanërisht në Hungari, Rumani dhe Maqedoninë e Veriut, kanë nxitur fushata kundër BE-së dhe kanë përhapur dezinformata, ndërsa sulmet e hakerëve dhe krimi kibernetik mbeten të përhapura.
Krimet e lidhura me seksin dhe abuzimi i fëmijëve mbeten disa nga problemet më të mëdha në mjedisin rumun në internet, siç theksohet në vitin 2021 nga raporti vjetor i të drejtave dixhitale të BIRN.
Më 26 tetor, prokurorët rumunë në Drejtorinë për Hetimin e Krimit të Organizuar dhe Terrorizmit të Timishoara njoftuan arrestimin e tre burrave pas një hetimi për pornografinë e fëmijëve.
Sipas autoriteteve, dy nga të dyshuarit filmuan akte seksuale që përfshinin të mitur nga mosha gjashtë muajsh deri në 15 vjeç, ndërsa i dyshuari i tretë merrte pornografi për fëmijë përmes ËhatsApp. Dy nga të pandehurit kanë qenë të dënuar më parë për të njëjtën vepër.
Procedura penale është ende në vazhdim, ndërsa tre të dyshuarit po mbahen në paraburgim në lidhje me një tjetër rast të pazgjidhur në të cilin po hetohen për krime të lidhura me seksin.
Arrestime të pornografisë së fëmijëve u bënë edhe në Bosnje dhe Hercegovinë më 21 tetor. Ministria e Punëve të Brendshme e Republikës Srpska, si pjesë e një operacioni më të madh të quajtur "Sistemi 2022", arrestoi katër persona të dyshuar për kryerjen e veprës penale të shfrytëzimit të fëmijëve për pornografi.
Katër personat e arrestuar në komunat Prijedor, Doboj, Srebrenicë dhe Milici u akuzuan të gjithë se mbanin përgjegjësi për faqet e internetit që përfshinin fotografi dhe video të pornografisë së fëmijëve dhe për përdorimin e rrjeteve sociale dhe aplikacioneve të komunikimit për të ndarë dhe marrë pornografinë e fëmijëve në disa raste përmes kanaleve sociale si Facebook, Instagram, Snapchat, Discord, Kik dhe Telegram. Mosha e viktimave varionte nga dy deri në 12 vjeç.