Ana tjetër e historisë: Zbulohet se çfarë i tha Ronaldo - Fernandes kur e pa në dhomën e zhveshjes
Cristiano Ronaldo “pushtoi” mediat në ditët e fundit teksa intervista e tij për The Sun ku sulmoi Manchester United dhe trajnerin Erik ten Hag shkaktoi një varg reagimesh. Madje, një nga ata të cilët u duk se nuk e priti mirë intervistën kundër “Djajve të Kuq”, ishte edhe shoku i CR7 te United, Bruno Fernandes.
Dyshimet nisën kur dyshja u bashkua në kombëtare në grumbullimin për në Botërorin e Katarit, teksa Ronaldo dhe Fernandes patën një përshëndetje të çuditshme dhe shumë të “ftohtë”. Mediat aluduan se diçka e tillë erdhi si pasojë e intervistës së Ronaldos, megjithatë atë situatë është munduar ta shpjegojë Joao Mario në konferencë për shtyp.
Ish-mesfushori i Inter që tashmë aktivizohet me Benficën, theksoi se Ronaldo dhe Fernandes nuk kanë asnjë problem mes tyre, teksa gjithçka lidhej me një shaka mes tyre.
“Në momentin e takimit mes Ronaldos dhe Bruno Fernandes unë isha prezent dhe mund t’iu siguroj se bëhet fjalë për një shaka mes tyre. Fernandes ishte i fundit që u bashkua në grumbullim dhe Cristiano e pyeti nëse kishte udhëtuar me varkë. Ishte thjesht një shaka mes tyre, ata gjithnjë e bëjnë këtë”, u shpreh Joao Mario.
"It was a joke. Bruno was one of the last to arrive at the selection camp, and Cristiano asked him if he had come by boat ironically." Joao Mario
— nnis (@nnis_sports) November 15, 2022
🎥 Credit: @selecaoportugal#CristianoRonaldo #Portugal #BrunoFernandes #QatarWorldCup2022 #FIFAWorldCupQatar2022 pic.twitter.com/p8aIb6obkL